bijaya.webs.com

Just for you......

Blog

नेपालका प्रमुख तालहरु

Posted on March 12, 2010 at 2:02 PM Comments comments (0)

                            नेपालका प्रमुख तालहरु

१. रारा ताल : राराताल नेपालको सबभन्दा ठूलो ताल हो । यसको लम्बाई करिब ५.२ किलोमिटर (पूर्व-पश्चिम ),चौडाइ २.४ किलोमिटर तथा गहिराइ १६७ मिटर छ । यो मुगु जिल्लामा अवस्थित छ यसलाई रारा दह पनि भनिन्छ ।

Rara Lake Nepal (Photo:sherpabrotherstreks.com)

२. फोक्सुण्डो ताल : यो नेपालको सबैभन्दा गहिरो ताल हो । यसको लम्बाइ करिब ४.८ किलोमिटर,चौडाइ १.६ किलोमिटर र गहिराइ ६५० मिटर छ । यो डोल्पा जिल्लामा अवस्थित छ ।

Phoksundo Lake Nepal ( Photo: snowleopardconservancy.org)

 

३. तिलिचो ताल : विश्वको सर्वोच्च स्थानमा रहेको तिलिचो ताल मनाङ जिल्लामा अवस्थित छ । यो समुन्द्र सतहदेखि ४,९१९ मिटर उचाइमा रहेको छ । यसको लम्बाइ ४ कि.मि.चौडाइ १.२ कि.मि. तथा गहिराइ २०० मिटर छ ।

Tilicho Lake Nepal ( Photo: trekkingteam.com )

 

४. फेवाताल : कास्की जिल्लाको पोखरामा अवस्थित हर्पन खोलाको पानीबाट निर्माण भएको यो तालमा अन्नपुर्ण र माछापुच्छ्रे हिमालको दृष्यसमेत देख्न सकिन्छ । लम्बाइ ४.८ कि.मि र कूल क्षेत्रफल ३ बर्ग किलोमिटर भएको यो ताल कतै फुकेको र कतै सुकेको छ ।

Phewa Lake Nepal (Photo: virtualtourist.com )

 

५. रुपाताल : यो ताल कास्की जिल्लाको पचभैया डाँडाको काखमा रहेको छ ।४.५ मिटर गहिराइ भएको यो तालले करिब १२० हेक्टर क्षेत्रफल ओगटेको छ ।

 

Rupa Lake Nepal ( Photo pokharahotels.com )

 

६. इन्द्रसरोवर : मकवानपुर जिल्लाको कुलेखानी जलविद्दुत परियोजनाका लागि निर्माण गरिएको ७ कि.मि.लामो रिजर्भायर नेपालको सबैभन्दा ठूलो मानव निर्मित ताल हो ।

Kulekhani Reservior (Indra Sarovar )Nepal

Photo : nepalitimes.com.np

 

 ७. गोसाई कुण्ड : रसुवा जिल्लामा अवस्थित गोसाई कुण्ड समुन्द्र सतहदेखि ४,२६७ मिटरको उचाइमा रहेको छ । यो ताल वरिपरि ठूलाठूला पहाडी चट्टानले घेरिएको छ । यहाँ जनैपूर्णिमामा ठूलो मेला लाग्छ । यो आन्तरिक पर्यटनमध्ये अत्यन्त व्यस्त पर्यटकीय स्थल हो ।

                                                            Gosai Kunda Nepal ( Photo: Saritaholidays.com)

 

८. वेगनास ताल : कस्की जिल्लाको पोखरा बजारदेखि उत्तरपूर्वी भेगमा ( लेखनाथ नगरपालीका भित्र )पर्ने पचभैया डाँडाको काखमा पर्ने वेगनास ताल ७.५ मिटर गहिरो तथा २२५ हेक्टर क्षेत्रफलमा फैलिएर रहेको छ । यो ताल समुद्र सतहबाट ६७७ मिटरको उचाइमा रहेको छ । लेखनाथ नगरपालीका भित्र वेगनास ताल लगाएत अन्य ७ तालहरु पनि रहेका छन । त्यसैले लेखनाथ नगरपालीका लाइ ७ तालको सहर पनि भनिन्छ ।

Lake Begnas Kaski Nepal (Photo flickr.com)

 

 

९. जाखिरा ताल : लुम्बिनी अञ्चलको कपिलवस्तु जिल्लाको सदरमुकाम तौलिहवाबाट १० कि.मि. टाढा निग्लिहवा गा.वि.स.मा पर्ने जाखिरा ताल लुम्बिनी अञ्चलकै सबभन्दा ठूलो ताल हो । यसको क्षेत्रफल करिब १५७ हेक्टर रहेको छ यस तालमा प्रतिवर्ष साइबेरियाका विभिन्न १२ प्रकारका चराहरु ६ महिनासम्म बसोबास गरी फुल पारी बच्चा हुर्काई पुन: साइबेरिया फर्कने गर्छन । यस ताल ७ कि.मि. भित्र रहेका निग्लिहवा,सगरहवा,अरौराकोट र विकुलीकोटजस्ता ऐतिहासिक स्थानमा पुरातात्विक महत्त्वका वस्तुहरु रहेका छन ।

निर्माण र निर्माताहरु

Posted on January 6, 2010 at 7:14 AM Comments comments (0)

नेपालको ऐतिहासिक चिनारी(निर्माण र निर्माताहरु;)


मानगृह,चाँगुनारायणको मन्दिर :----------------------> मानदेव

कैलाशकुट भवन :--------------------------------> अंशुवर्मा

भद्राधिवास :-----------------------------------> नरेन्द्रदेव

नुवाकोटको सात तले दरबार र तिलंगा घर :--------------> पृथ्वीनारायण शाह

वसन्तपुरको नौतले दरबार:--------------------------> पृथ्वीनारायण शाह

भक्तपुरको ५५ झ्याले दरबार,न्यातपोल देवल,भैरव मन्दिर-----> भुपतीन्द्र मल्ल

काठमाडौंको रानीपोखरी-----------------------------> प्रताप मल्ल

असन केलटोलको तिलंगा घर-------------------------> अभिमानसिंह बस्नेत

दत्तात्रेयको मन्दिर(भादगाउँ;)--------------------------> यक्ष मल्ल

धरहरा,सुन्धारा,वागदरबार---------------------------> भीमसेन थापा

जगन्नाथ मन्दिर(टुँडीखेल;)--------------------------> रणबहादुर शाह

घण्टाघर र पुस्तकालय-----------------------------> वीरशमशेर

सिंहदरबार,मिलिट्री अस्पताल,रोपवे---------------------> चन्द्रशमशेर

बालाजुको २१ धारा--------------------------------> जयप्रकाश मल्ल

तलेजु भवानीको मन्दिर(काठमाडौं;)---------------------> महेन्द्र मल्ल

पशुपतिनाथको मन्दिर अगाडिको ठुलो बसाहा---------------> जगतजंग

पशुपतिनाथको मन्दिर------------------------------> प्रचण्डदेव

काठमाडौं सहरको स्थापना----------------------------> गुणकामदेव(लक्ष्मीकामदेव;)

 ललितपुरको स्थापना-------------------------------> वीरदेव

भक्तपुरको स्थापना--------------------------------> आनन्ददेव

हनुमानढोका दरबारको निर्माण सुरुआत-------------------> प्रताप मल्ल

हनुमानढोका दरबारको सुनको ढोका----------------------> गिर्वाणयुद्दविक्रम शाह

हनुमानढोका दरबारको गद्दि बैठक-----------------------> चन्द्रशमशेर

हनुमानढोका दरबारको हनुमानको मुर्ति-------------------> प्रताप मल्ल

पशुपतिलाई स्वर्णमय बनाउने-------------------------> भाष्कर वर्मा

कुमारी मन्दिर-----------------------------------> जयप्रकाश मल्ल

पशुपतिनाथको हालको मुर्ति--------------------------> जयसिंह देव

जनकपुर-जयनगर रेलसेवा---------------------------> जुद्दशमशेर

नेपालमा बैंकिङ प्रणालीको सुरुआत(तेजारथ अड्डा;)-----------> रणोद्दिप सिंह

पाटनको कृष्ण मन्दिर------------------------------> सिद्धिनरसिंह मल्ल

लुम्बिनीस्थित अशोक स्तम्भ--------------------------> सम्राट अशोक

गोकर्णेश्वरको मन्दिर--------------------------------> जयप्रकाश मल्ल

दक्षिणकाली-------------------------------------> प्रताप मल्ल

सिम्रौनबाट तुलजा भवानीको मुर्ति काठमाडौं ल्याउने-----------> हरसिंह देव

दत्तात्रेयको ३ तले मन्दिर----------------------------> विश्व मल्ल

मृगस्थलीको विश्वरुप मन्दिर--------------------------> जंगबहादुर राणा

पाल्पाको नारायण मन्दिर----------------------------> अमरसिंह थापा

चाँगुनारायणस्थित शिलालेख--------------------------> मानदेव

वाराही र वैष्णवीको मन्दिर---------------------------> भुपतिन्द्र मल्ल

त्रिपुरेश्वरस्थित सत्यनारायणको मन्दिर-------------------> जंगबहादुर राणा

लव पोखरी-------------------------------------> जगज्योति मल्ल

मरुटोल(काठमाडौं;)स्थित नमस्कार मुद्रामा रहेको गरुडको मुर्ति----> भुपालेन्द्र मल्ल

नक्सालको सन्तानेश्वर महादेव-------------------------> नुवाकोटे ठकुरी राजा शंकरदेव

शंखमूलको जगतनारायण मन्दिर-----------------------> जगतशमशेर

युधुनियम राजदरबार-------------------------------> राजा रुद्र मल्ल

जैसीदेवल--------------------------------------> लक्ष्मीनारायण शर्मा

टेकुस्थित भीम-भुवनेश्वरीको मन्दिर---------------------> माथवरसिंह थापा

हनुमानढोका दरबारको उत्तरपट्टीको पशुपतिनाथको मन्दिर-------> महेन्द्र मल्ल